Spurt & Svarað

Hvað ef…

...allar vörurnar mínar seljast ekki?
  • Ef einhver fatnaður er óseldur hjá þér þegar styttist í lok básleigunnar getur verið sniðugt að setja afslátt á vörurnar.
  • þú ræður hversu mikill afsláttur það er (þú getur valið hvaða % afsláttar sem þú vilt) þú færð sérstakt spjald með viðeigandi afsláttarprósentu sem þú festir á bleika rammann sem er á básnum þínum.
  • Ef einhver fatnaður er eftir þegar básleigu lýkur hefur þú val um að sækja hann eða gefa í góðgerðarbásinn okkar.
  • Allar vörur verða að vera sóttar innan fjórtán daga frá því að leigutíma lýkur. Ósóttar vörur verða eign Verzlanahallarinnar sem gefur þær eða selur í góðgerarskyni.
  • Hagnaður af seldum vörum úr góðgerðarbásnum rennur til einhvers málefnis sem valið er hverju sinni.
... ég held að ég nái ekki að fylla heilan bás?
  • Ef þú átt ekki nóg af fatnaði eða fylgihlutum sem gætu fyllt heilan bás þá mælum við með því að deila básnum með vini/vinkonu/maka.
... ég er með fatnað fyrir öll kyn?
  • Það er ekkert að því að vera með þannig vörur í básnum. Mikilvægt er að merkja fatnaðinn vel með stærðarmerkingum og taka fram að básinn
    innihaldi fatnað fyrir öll kyn.
... ég er búin að selja allt áður en vikan endar?
  • Frábært! Til hamingju með að hafa gefið öllum fatnaðinum þínum nýtt líf. Við bjóðum ekki upp á neina endurgreiðslu þó að þú hafir eingöngu nýtt básinn hluta af dögunum sem þú varst með hann til leigu.
  • Þú hins vegar hefur val á að fylla á básinn með því að skrá inn fleiri vörur á innri vef okkar.
... ég er með fatamerki/netverslun og langar að leigja bás til lengri tíma?
  • Ef þú vilt hafa bás í langtímaleigu hjá okkur – þ.e.a.s lengur en í þær 4 vikur sem bókunarkerfið býður upp á skaltu hafa samband við okkur hjá verzlanahollin@verzlanahollin.is
  • Sjá nánar í skilmálum um sjálfstæðan rekstur. Óheimilt er að selja vörur sem eru keyptar á Ebay, Aliexpress eða öðrum álíka sölusíðum.
... ég er með barnaföt og fullorðinsföt, get ég verið með þau í sama bás?
  •  Uppsetningin á básunum er mismunandi og eru á sitthvorum staðnum í versluninni. Fólk sem kemur til að versla fullorðinsfatnað leitar ekki í barnabásum og öfugt. Þessvegna er ekki hægt að vera með bæði barnaföt og fullorðinsföt í einum bás. Aftur á móti er sniðugt að vera með barnabás og fullorðnisbás á sama tíma, þar sem hægt er að nýta ferðina og fylla á báða básana í einu.